Cylchlythyr GPW: Awst 2025

Croeso i rifyn mis Awst 2025 o gylchlythyr Partneriaeth Genomeg Cymru!

Mae nifer o ddatblygiadau a gweithgareddau cyffrous wedi digwydd gyda’r rhaglen ar ddechrau’r haf. Ym mis Gorffennaf, fe wnaethon ni groesawu carfan newydd sbon i Seinfwrdd Cleifion a’r Cyhoedd Partneriaeth Genomeg Cymru, gydag unigolion ag ystod o brofiadau byw yn ymuno â ni o bob cwr o Gymru. Fe wnaethon ni hefyd ddechrau gweithio ar Gynllun Cyflawni Genomeg newydd sbon Cymru, a fydd yn mapio sut byddwn ni’n treulio’r tair blynedd nesaf yn gweithredu genomeg mewn ffordd sy’n gwasanaethu iechyd a lles poblogaeth Cymru orau. Yn ogystal, aeth tîm Parc Geneteg Cymru i Osaka, Japan, i chwifio’r faner dros genomeg Cymru yn Expo 2025. Yn agosach at gartref, fe wnaethon ni ddathlu lansiad Hyb Dysgu Genomeg newydd sbon AaGIC yn ogystal ag adroddiad newydd Cynghrair Genetig y DU ar sgrinio’r newydd-anedig, Time to Decide.

Yn y rhifyn hwn, rydym yn sgwrsio ag Aaron Sheehan, Ymarferydd Cyswllt yn yr Uned Genomeg Pathogen (PenGU), i ddysgu mwy am ei rôl wrth wella triniaethau meddygol gan ddefnyddio ei arbenigedd gwyddoniaeth biofeddygol ac rydym yn sgwrsio â Joanne Watkins, Dirprwy Bennaeth PenGU am brosiect fideo cyffrous sy’n anelu at ysbrydoli’r genhedlaeth nesaf o wyddonwyr a biowybodegwyr. Rydym hefyd yn rhannu rhywfaint o wybodaeth am sut y gall ein rhanddeiliaid rannu eu profiad mewn digwyddiadau Parc Geneteg Cymru yn y dyfodol.

Fel bob amser, os hoffech roi unrhyw adborth ar gynnwys y cylchlythyr hwn, e-bostiwch GenomicspartnershipWales@wales.nhs.uk

Os hoffech weld diweddariadau mwy rheolaidd o raglen Partneriaeth Genomeg Cymru, dilynwch ni ar LinkedIn neu Facebook