Dyddiad: 23 Ebrill 2023 | Lleoliad: Stadiwm Dinas Caerdydd
Bydd sgyrsiau o 9.15am tan 4.45pm | Bydd cofrestru ar agor o 8.15am | Bydd y digwyddiad yn dod i ben am 4.45pm
Mae genomeg – yr astudiaeth o DNA cyfan person (yr holl wybodaeth sy’n ei wneud yn unigryw) – yn trawsnewid meddygaeth a gofal iechyd.
P’un a ydych chi’n weithiwr iechyd proffesiynol, ymchwilydd, claf, neu aelod o’r cyhoedd sydd â diddordeb yn y pwnc cyffrous hwn, mae’r digwyddiad wyneb yn wyneb hwn yn gyfle i gysylltu ag eraill, rhannu profiadau, ac archwilio sut mae gwyddoniaeth genomig yn newid bywydau.
Ymunwch â ni a byddwch yn rhan o ddiwrnod deinamig o ddarganfod, dysgu ac ysbrydoliaeth, wrth i Gymru arddangos rhai o’r datblygiadau diweddaraf ym maes genomeg.
Mae’r digwyddiad cyntaf o’i fath hwn yng Nghymru yn cynnig gofod croesawgar ar gyfer rhannu gwybodaeth, cydweithio ac arloesi. Mae’r rhaglen yn cynnwys sgyrsiau diddorol, trafodaethau panel, a sesiynau rhyngweithiol i bawb eu mwynhau. Bydd mynychwyr yn clywed am ymchwil arloesol, sut mae gwyddoniaeth yn cael ei chymhwyso mewn sefyllfaoedd go iawn, a sut mae genomeg yn llunio dyfodol iechyd a meddygaeth yng Nghymru a thu hwnt.
Mae’r digwyddiad a’r rhaglen wedi’u cynllunio ar y cyd â Bwrdd Seinio Cleifion a Chyhoeddus Partneriaeth Genomeg Cymru, sy’n sicrhau bod lleisiau cleifion wrth wraidd y dydd. Mae wedi’i gynllunio i gynnig gwerth, mewnwelediad ac ysbrydoliaeth i bawb.
Ymhlith yr uchafbwyntiau mae:
- Sesiynau addysgiadol gan ymchwilwyr genomig blaenllaw a gweithwyr iechyd proffesiynol
- Sgyrsiau cleifion i dynnu sylw at brofiadau byw a’u deall
- Cyfleoedd ar gyfer rhwydweithio a chydweithio
- Sesiynau rhyngweithiol ac ymarferol i’r cyhoedd archwilio gwyddoniaeth genomig yn uniongyrchol
Noddwr Digwyddiad Aur
Noddwyr Digwyddiad
Noddwr Straeon o’r Arddangosfa
Cwestiynau Cyffredin
A yw am ddim i fynychu?
Ydy! Mae’r digwyddiad hwn am ddim.
Beth fydd yn digwydd yn yr Arddangosfa Genomeg?
Mae’r digwyddiad cyntaf o’i fath hwn yng Nghymru yn cynnig gofod croesawgar ar gyfer rhannu gwybodaeth, cydweithio ac arloesi. Mae’r rhaglen yn cynnwys sgyrsiau diddorol, trafodaethau panel, a sesiynau rhyngweithiol i bawb eu mwynhau. Bydd mynychwyr yn clywed am ymchwil arloesol, sut mae gwyddoniaeth yn cael ei chymhwyso mewn sefyllfaoedd go iawn, a sut mae genomeg yn llunio dyfodol iechyd a meddygaeth yng Nghymru a thu hwnt.
Bydd yr arddangosfa yn cynnwys:
- Sesiynau addysgiadol gan ymchwilwyr genomig a gweithwyr iechyd proffesiynol blaenllaw a sgyrsiau i dynnu sylw at brofiadau bywyd o gyflyrau genetig
- Cyfleoedd ar gyfer rhwydweithio a chydweithio
- Sesiynau rhyngweithiol ac ymarferol i’r cyhoedd archwilio gwyddoniaeth genomig yn uniongyrchol
A yw'r digwyddiad hwn yn hybrid?
Mae’r digwyddiad yn cael ei gynnal wyneb yn wyneb yn Stadiwm Dinas Caerdydd, Caerdydd. Yn anffodus, nid oes elfen hybrid i’r digwyddiad.
I bwy mae'r digwyddiad hwn?
Rydym yn dod â chleifion a’r rhai yr effeithir arnynt gan gyflyrau prin, gweithwyr gofal iechyd proffesiynol, llunwyr polisi, ymchwilwyr, cynrychiolwyr elusennau ac unrhyw un sydd â diddordeb mewn genomeg at ei gilydd i ddysgu mwy, creu deialog ac archwilio genomeg yng Nghymru. Mae wedi’i gynllunio i fod mor gynhwysol â phosibl.
Sut mae'r rhestr aros yn gweithio?
Drwy gofrestru ar restr aros yr Arddangosfa Genomeg, chi fydd y cyntaf i gael eich rhybuddio pan fydd mwy o docynnau yn dod ar gael. Yna bydd angen i chi archebu tocyn fel arfer trwy’r ddolen archebu. Nid yw’r rhestr aros yn cadw tocyn yn awtomatig os bydd mwy yn dod ar gael, a bydd tocynnau yn cael eu cynnig ar sail y cyntaf i’r felin.
Faint o’r gloch ddylwn i gyrraedd?
Mae cofrestru ar gyfer y digwyddiad yn agor am 8:15am gyda’r sgwrs gyntaf yn dechrau am 9:15am.
Beth fydd yn digwydd pan fyddaf yn cyrraedd?
Ar ôl cyrraedd, byddwch yn cael eich cyfeirio i fyny’r grisiau i gofrestru i gasglu eich bathodyn a’ch canllaw digwyddiad ar gyfer y diwrnod. Bydd cyfleoedd i gael golwg ar stondinau, posteri, barddoniaeth a lluniau’r arddangosfa a rhwydweithio ag eraill cyn i’r sgyrsiau ddechrau am 9.15am.
Oes rhaid i mi aros am y diwrnod cyfan?
Na, gallwch chi fynd a dod fel y mynnwch. Byddwn yn cyhoeddi ein rhaglen ddiwedd mis Mawrth fel y gallwch weld beth sy’n digwydd yn ystod y dydd a phenderfynu pa sesiynau yr hoffech eu mynychu.
A allaf ddod hyd yn oed os nad ydw i eisiau gweld unrhyw rai o'r sgyrsiau?
Gallwch! Hyd yn oed os ydych chi’n teimlo nad yw’r sesiynau i chi, mae digon i’w weld a’i wneud, gan y byddwn ni’n cynnal amrywiaeth o stondinau rhyngweithiol i chi eu harchwilio a gweithgareddau eraill i gymryd rhan ynddynt.
Oes croeso i fyfyrwyr?
Mae’r diwrnod wedi’i gynllunio i aelodau o’r cyhoedd sy’n oedolion a gweithwyr proffesiynol. Byddem yn croesawu myfyrwyr prifysgol sy’n dymuno mynychu; fodd bynnag, yn anffodus, ni allwn ddarparu ar gyfer ysgolion a cholegau ar deithiau wedi’u trefnu.
Os hoffech ddysgu mwy am ein gweithgareddau genomig addysgol, ydych chi wedi ystyried cofrestru ar ein Rhwydwaith Athrawon? Dyma’r lle cyntaf i glywed am gyfleoedd i fyfyrwyr ymgysylltu â genomeg arloesol.
Sut mae cyrraedd y stadiwm?
Os ydych chi’n dod mewn car, mae mynediad o’r draffordd yn hawdd. Gadewch yr M4 wrth Gyffordd 33 a chymryd yr A4232 tuag at Gaerdydd/Y Barri. Gadewch yr A4232 i ymuno â’r B4267, gan ddilyn yr arwyddion i Stadiwm Dinas Caerdydd. Ewch i mewn trwy ein Prif Fynedfa, yn uniongyrchol oddi ar yr A4232.
Cod post y Stadiwm yw CF11 8AZ. Sylwch y gallai Llywiwr Lloeren eich cyfeirio trwy ganol dinas Caerdydd, gan ychwanegu tua 30 munud at eich taith.
Ffyrdd gwahanol o gyrraedd Stadiwm Dinas Caerddyd
Ar y Trên: O orsaf Caerdydd Canolog, gall cefnogwyr deithio i Barc Ninian neu Grangetown. Yna mae’n 10 munud ar droed i’r stadiwm o Grangetown neu 5 munud o Barc Ninian.
Mewn Tacsi: Mae tacsis ar gael yn hawdd ledled y ddinas. Gallwch archebu cerbyd ‘Llogi Preifat’ ymlaen llaw neu alw tacsi du a gwyn. Mae taith o ganol y ddinas i’r stadiwm yn costio rhwng £7 a £10.
Ar Fws: Gwasanaeth Rhif 1 a 2 (canol y ddinas, Bae Caerdydd i Sloper Road) Rhifau gwasanaeth 95 a 95A (Canol y ddinas, Stryd Wood i Barc y Jiwbilî/ASDA Heol Lecwydd)
Ble mae parcio ar gyfer yr Arddangosfa?
Mae parcio am ddim ar gael o amgylch y stadiwm gyda nifer o fannau hygyrch. Gweler isod am fap o fynedfeydd, allanfeydd a mannau parcio Stadiwm Dinas Caerdydd. Ardaloedd parcio C a D yw’r agosaf at y fynedfa i’r arddangosfa.
A fydd bwyd a diod ar gael?
Bydd diodydd poeth a dŵr ar gael yn ystod y dydd. Bydd gwybodaeth ychwanegol am arlwyo ar gael cyn bo hir.
A allaf ddefnyddio'r sesiwn hon at ddibenion DPP?
Mae croeso i chi ddefnyddio’r arddangosfa at y diben hwn; fodd bynnag, nid yw’r sesiwn wedi’i hachredu gydag unrhyw sefydliad ac ni fyddwn yn rhoi tystysgrifau presenoldeb.
Beth yw'r amserlen/agenda?
Rydym yn gweithio’n galed i gwblhau agenda gyffrous sy’n tynnu sylw at gymaint o feysydd genomeg yng Nghymru â phosibl. Bydd siaradwyr yn cael eu cyhoeddi yn fuan iawn drwy’r dudalen Arddangosfa Genomeg.
Sut alla i ddod yn noddwr?
Mae amrywiaeth o gyfleoedd nawdd ar gael i gwmnïau sy’n dymuno cefnogi a mynychu’r Arddangosfa Genomeg. Os hoffech ddysgu mwy neu archebu pecyn nawdd, cysylltwch â ni drwy e-bost: readyc@caerdydd.ac.uk.
A fydd ffotograffiaeth a fideo yn y digwyddiad?
Bydd ffotograffwyr a fideograffwyr yn tynnu lluniau a recordio yn y digwyddiad. Rhowch wybod i aelod o’r tîm gwirfoddolwyr (sy’n gwisgo sashis gwyrdd) os nad ydych am gael eich cynnwys yn y rhain.
A yw'r lleoliad yn hygyrch?
Mae’r digwyddiad wedi’i gynllunio ar y cyd â Bwrdd Seinio Cleifion a’r Cyhoedd Partneriaeth Genomeg Cymru, sy’n sicrhau bod llais y claf wrth wraidd y dydd.
Mae mynediad lifft a mynediad heb risiau i bob un o dri llawr y lleoliad. Mae toiledau hygyrch ar y rhan fwyaf o loriau’r Brif Eisteddle: un y tu mewn i’r dderbynfa, un ar Lefel 2, dau ar Lefel 3 a dau ar Lefel 4. Gallwch gael mynediad i’r holl doiledau hygyrch gan ddefnyddio allwedd RADAR. Mae Stadiwm Dinas Caerdydd yn cynghori y dylai ymwelwyr ddod â’u hallwedd RADAR eu hunain i’r digwyddiad.
Mae cyfleuster Changing Places hefyd ar gael ar y trydydd llawr. Mae’r cyfleuster Changing Places yn cynnwys mainc newid maint oedolyn y gellir addasu ei huchder, hoist symudol, sinc y gellir addasu ei uchder, sgrîn i ddarparu preifatrwydd, a rholyn papur rhwygo llydan i orchuddio’r fainc. Sylwch fod yr hoist ond yn gydnaws â sling dolen, a bydd angen i fynychwyr ddod â hwn gyda nhw.
Bydd dolenni sain ar gael ym mhob sgwrs a sesiwn, yn ogystal â mynediad i fannau synhwyraidd a thawel. Mae ardaloedd parcio’r stadiwm yn cynnwys opsiynau parcio hygyrch.
Pwy dylwn i gysylltu â nhw i gael rhagor o wybodaeth?
Os oes gennych gwestiwn nad yw wedi cael ei ateb yma, mae’n debyg ei fod yn rhywbeth y dylen ni ei ychwanegu. Cysylltwch â ni yn walesgenepark@caerdydd.ac.uk, a byddwn yn hapus i’ch helpu chi’n uniongyrchol.